Plantun de Prouvènço

Pèr coumpara dos planto d'encò nostre

Oxybasis glauca & Eupatorium cannabinum

Oxybasis glauca

Amaranthaceae Chenopodiaceae

Nom en français : Chénopode glauque.

Descripcioun :
Lou blet-verdau es uno planto de l'an pulèu rare au nostre, mai que coumenço de se vèire de mai en mai. Trachis dins li champ e ermas riche en azoute e proche d'aigo. Se recounèis à si fueio descoupado, verdo dessubre e blanco dessouto.

Usanço :
Es uno planto manjadisso de prepara en tian coume d'espinarc. La vau miés faire couire que caup de sapounino.

Port : Erbo
Taio : 10 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Oxybasis
Famiho : Amaranthaceae
Famiho classico : Chenopodiaceae

Ordre : Caryophyllales

Coulour de la flour : Verdo
Petalo : ges
Ø (o loungour) flour : 0,6 à 1 mm
Flourido : Estiéu - Autouno

Sòu : Ca
Autour basso e auto : 0 à 800 m
Aparado : Noun
Juliet à óutobre

Liò : Prado umide - Ermas - Escoumbre e proche dis oustau - Mar
Estànci : Mesoumediterran à Coulinen
Couroulougi : Éurasiatico
Ref. sc. : Oxybasis glauca (L.) S.Fuentes, Uotila & Borsch, 2012 (= Chenopodium glaucum L., 1753 )

Eupatòri

Eupatorium cannabinum

Asteraceae Compositae

Àutri noum : Canebe-fèr, Carbe-fèr, Epatorium, Capoun.

Noms en français : Eupatoire à feuilles de chanvre, Eupatoire chanvrine.

Descripcioun :
Planto renadivo un pau grando (>1m), bourrihudo, emé de cambo rouginasso, e que s'arremarco emé si flour roso à blanco coumpausado de flouroun en tubo. Li fueio dóu bas, óupousado, soun divisado en fuioun que dounon d'èr à-n-aquéli dóu canebe.

Usanço :
L'éupatòri èi couneigu pèr èstre vertuous contro li problèmo de fege (coulagogue) e de rèn. S'emplego de maceracioun de flour, fueio e racino. Pamens, estènt douna la presènci d'alcalouïde èi counseia de pas n'en prendre de longo.